Beint á efnisyfirlit síðunnar

Styrkir

Styrktarsjóður BSRB var stofnaður með reglugerð 6. desember 2001 en hóf reglulega starfsemi í febrúar 2002. Innheimta iðgjalda hófst frá og með 1. janúar 2001. Tekjur sjóðsins árið 2010 voru 0,75% af heildarlaunum þeirra starfsmanna sem undir sjóðinn heyra. Aðildarfélög að styrktarsjóðnum eru öll félög BSRB nema SFR, Landsamband lögreglumanna og Póstmannafélag Íslands.

Stjórn sjóðsins er kosin á aðalfundi til tveggja ára í senn. Hana skipa fimm fulltrúar þeirra félaga sem að sjóðnum standa. Varamenn eru tveir.

Styrktarsjóði BSRB er ætlað að greiða bætur til sjóðfélaga í slysa- og veikindatilvikum eftir að veikindarétti lýkur hjá vinnuveitanda. Sjóðurinn styrktir einnig fyrirbyggjandi aðgerðir á sviði heilsueflingar og forvarnir gegn sjúkdómum.


Úthlutunarreglur styrktarsjóðs BSRB

Heimasíða Styrktarsjóðs BSRB


Starfsmenntasjóður BSRB styrkir félagsmenn þeirra aðildarfélaga sem aðild eiga að sjóðnum til frekari menntunar. Upplýsingar um Starfsmenntasjóð BSRB má nálgast hér á vef BSRB undir liðnum fræðsla.